Ihardetsi sistemaren baitako erantzun-erauzlearen azterketa eta garapena

Ihardetsi galderak erantzuteko sistema bat da. Gaur egungo bertsioan, euskarazko galderen erantzun zehatzak euskarazko corpusetan aurkitzen dira. Sistemak dituen moduluen artean, bada bat paragrafoetatik erantzunak erauzi eta ordenatzen dituena. Modulu horren lanketa egin nahi da KBP honetan.
Horretarako, egungo QA sistemen erantzun-erauzte moduluak aztertuko dira, erabiltzen diren teknikak zein diren sakonki ezagutzeko. Teknika horietatik Ihardetsi sistemarako egokienak hautatuko dira, eta horietako baten bat inplementatu egingo da.
Horrela lortzen diren emaitzak gaur egungo bertsioarekin alderatuko dira.